ملتقى كرموز التجارية بنات
مرحباً بكم فى ملتقى مدرسة كرموز التجارية بنات
نرجو التسجيل معنا للمشاركة بآرائكم و خبراتكم المتميزة.

مع تحياتى
المدير العام للمنتدى
السيد أحمد مجاهد
مبرمج و محاضر كمبيوتر
sayedmegahed@gmail.com - 0101119604





منتدى كرموز التجارية بنات
 
الرئيسيةالبوابةاليوميةمكتبة الصورس .و .جبحـثقائمة الاعضاءالتسجيلدخول

الآن حمل نماذج إختبارات الصف الثالث التجارى2011 إضغط هنا للتحميل مع خالص تحياتى السيد أحمد مجاهد

نرحب بتسجيلكم فى المنتدى لمشاركتنا الآراء و المناقشات و الاقتراحات

شاطر | 
 

 إضحك كركر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
elwaddaly
عضو متميز
عضو متميز


عدد المساهمات : 125
تاريخ التسجيل : 04/02/2010

مُساهمةموضوع: إضحك كركر   السبت يوليو 17, 2010 9:35 pm

واحد بلديتنا رجله كانت بتوجعه فذهب للدكاترة فقالوا له : لازم نقطع رجلك فاخذ الساطور وقطع رجله بنفسه دون تخدير الدكاترة قعدو يصقفولو عشان شجاعتو اتبسط منهم خد الساطور قطع رجلو التانية


مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل


البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا


واحد منوفي كان ناذر نذر انه لو خلف ولد يصوم عشر أيام و فعلاً ربنا أكرمه و جاب ولد و الراجل صام العشر أيام بعديها بكام يوم الولد مات المنوفي خصم العشر أيام من شهر رمضان


مرة واحد بلدياتنا ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة
-------------------------
مره واحد بلديتنا كان بيدق مسمار فى الحائط فالمسمار وقع منه فقال له :تعالى مجاش, فقال له: تعالي مجاش. فراح بلديتنا رامي على
المسمار شوية مسمامير وقال: هاتوه.
---------------------------
اربعه بلدياتنا بيلعبو علي الطريق السريع الي العربيه تخبطه مرتين يطلع بره
--------------------------
واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد
-------------------------
جماعة بلدياتنا عملوا أتوبيس بالعرض عشان يركبون كلهم قدام
------------------------
مرة واحد بلدياتنا عرف ان الجلد موضة مشى عريان
------------------------
واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور
------------------------
مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه"
------------------------
صعيدي عايز يعمل عمليه انتحاريه عمل بروفة قبلها بجمعه
-----------------------
واحد بلدياتنا واقف قدامه خمس شياطين .... واحد يوسوسله و اربعه يفهموه
-----------------------
اتنين بيدوروا على زوجاتهم فى السوق، فاتفقوا كل واحد يدور على مرات التانى، فاللبنانى بيوصف زوجته لبلدياتنا وقاله: شعرها أصف
وعيونها زرق وبيضا وقوامها سمبتيك، ها.. وشو أوصاف زوجتك؟ رد بلدياتنا وقاله: سيبك من مراتى ويلا بينا ندور على مراتك؟
-------------------------
واحد بيقول لخطيبته لما ازمرلك إنزلى.. قالتله مبروك هو انت اشتريت عربيه.. قال لها لأ اشتريت زماره!
-------------------------
واحد بلدياتنا قال لأبوه أنا عاوز موبايل.. أبوه قاله موافق بس بشرط تركب أخواتك معاك

واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟
---------------------
واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"
---------------------
مسطول ماشى لقى واحدة ست بتتحرق قالها منورة يا حجة
---------------------
اتنين مساطيل بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره
---------------------
مرة اثنين مساطيل قاعدين على القهوة فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة
---------------------
مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم
---------------------
محشش سال صاحبه المحشش : إيه اخبار أبوك ؟؟ بعدين إفتكر ان أبوه ميت فكمل بسرعة: لسا في نفس الطربة ؟
---------------------
محشش سأل محشش: في رأيك عيد الفطر هيوافق يوم الخميس. فرد عليه: إذا ضغطنا عليه أكيد يوافق.
---------------------
واحد محشش سأل بياع الخضار عندك فاصولية خضرا قاله لأ ... قاله طب في ألوان إيه؟
---------------------
لغز محشش: قطار يمشي 60 كلم في الساعة فكم عصفور في الشجرة اذا كان الببسي ب75 قرش؟
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س
-----------------------------------------------------
محشش بيحكي لبنته حدوتة قبل النوم
مره جدي شاف عصفوره فقال الاسد هاتوا لي الارنب
فوقعت البقرة من فوق العمارة و لقت الام أبنها فرجع
الظابط من القسم و طلقها حبيبها و قال انتي طالق
طالق طالق شوفي وشك من حلاوتوا أوي فعمل حادثه
و جاله شلل فغرق فالبحر و نامت الفراشه على الطوبه
وقال النسر لازم نتعاون و أصطادوا حوت و خلص البصل و قال
لها انا بحبك و يوم ماراح المدرسه ضاع كشكول الواجب و قالت
مراته انا هاروح بيت اهلي و نام الفيل وعومنا في نهر النيل
و بعدين يومها قال بس خلاص ومها عرفت ليه الكلب يقول ميو ميو
ونامت البت من أبوها
تصبحوا علي خير

إثنين محششين .. الأول وقع فى خزان الميه ،الثانى راح يستناه عند الحنفية
........................................
صعيدى اشترى لإبنه آلة حاسبة شال منها الزيرو علشان إبنه مايتصلشىدولى
.......................................
محشش بيتصلبالمطافى: إيه يا جماعة؟ إذا ماكانش فى حريقةماحدش يشوفكوا !!
......................................
مرة واحد مسطول بيوقف تاكسي فسأله:
فاضي ياسطةفقال له الأسطة:
ايوة فاضي فقال له السكران طيب ماتيجي تقعد معايا شوية
.....................................
مسطول بيقول سبحان الله الانسان زي البنىادم لما بيتوفى بيموت
....................................
مره واحد بيحشش بيقول لصاحبه امبارح جيت اسحبنفس قالوا لى ملكش رصيد
...................................
واحد سكران اتصل على مصر للطيران بيسأل الرحله
من القاهره للندن هاتخد اد ايه فرد عليه الاستعلامات وقاله: ثانيه واحده
قال لهالسكران طب شكرا
...................................
واحدمسطول راح مطعم وقال لصاحب المطعم سندوتش طعمية من غير سلطة..
صاحب المطعم كمان مسطول قال له من غير سلطة ايه؟ قال له : من غير سلطة قوطة -
صاحب المطعم : ماعنديش سلطة قوطة اعمله من غير سلطة طحينة؟؟؟
.................................
مرة واحد بخيل وابنه قاعدين بياكلو فا مراته جت فخبطت فقال ابنه قوم افتح لامك
قال له: لا ماهى مراتك انته.. قال له دى امك أنتقال له دى مراتك أنت قال له دى امك انت قال له لا قال له طيب وراح منادى على مراته و قاللها انتى طالق وراح باصص لابنه وقال له قوم يا فالح افتح لامك بقى
................................
واحد بلدينا اشترى موبايل، ركبله جهاز اظهار رقم الطالب
................................
واحد معدى لقى ناس بتهيص قوى قال لهم فيه ايه قالوله فى واحد بلدياتناعايز ينط من سطح العمارة قالهم خلاصانا طالعله... طلعله وقاله عايز تنتحر ليه... بلدياتنا قاله اصل انا غبى وكل الناس بتقول علي غبى راح الراجل قايله هاقولك فزوره لو حلتها ماتبقاش غبى حاجة اسمها زى شكلها بلدياتنا : ماخبرش الراجل:البيضة. اقولك واحدة تانية حاجتين اسمهم زى شكلهم بلدياتنا :ماخبرش الراجل: بيضتين.. اقولك واحدة تانية بسيطه و سهله حاجة كبيرةوسودة وبتجيب لبن واسمها جموسة بلدياتنا 3 بيضات راح الراجل ماسكه وراميه
................................
مسطول مزور ورقة بنكنوت انما 10/10مع ذلك مسكوه ياترى ليه ؟ عشان كان مزور ورقة بستين جنيه


الرجوع الى أعلى الصفحة اذهب الى الأسفل
 
إضحك كركر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى كرموز التجارية بنات :: المنتدى العام :: بأحبك يا مصر-
انتقل الى: